Ghar me ek nya member aaya, Prerna ki life ki sabse pahli dost jo use life me ab dubara nhi milengi

Hello guys bahut dino se kuch post nhi kar paya because 5 December ko chote bhai ko baby ho gya tha aur kuch office ke kaamo ki wajah se kuch bhi update nhi Kiya. Bhai ko baby boy hua aur us time m wahi tha jab ye news sabse pahle bahar aayi to jo us time sabke expression different the. Ye h new born baby ki next day ki photo.

Aisa lag rha tha ki sabne jo ladka karwane ki mehnat ki wo safal ho gyi thi. Mujhe yaad h jab mujhe beti Hui thi to jo log bahar wait kar rhe the wo ek dum se beti ki news sunke mayush se hi gye the. Aisa lag rha tha ki jaise is sadme se bahar aane me inko time lagenga. Staring se hi neetu ka aisa mindset bna diya tha ki tujhe to ladka hi hoga. But jab ladki hui, to bas sab shant, wo welcome sa hi nhi hua. Pta nhi kyu ladka hone pe itna excitement aur ladki hone par mayushi.

Neetu, Vayu (new born's name)  ko god me lekar baithi hui h. Ab baby aur mother ko ek private ward me shift kar diya tha. Aur hmari beti Prerna waha side wale ward ke patient ki beti ke sath khel rhi thi. Wo uske sath itna ghul mil gyi ki jaise uski friend ban gyi thi. Uski botle me se pani peena aur baar baar uske sath corridor ke gate par chadhna.

Ab meri beti prerna 3 dino tak is bachchi ke sath bahut kheli jiska naam "Prisha" tha. Aur jab Prerna badi ho jayengi use yaad bhi nhi rahenga, ki bachpan me kitne aise bachcho ke sath wo kheli hogi jo sirf life me ek baar mile aur dubara nhi milennge.